Kahani Shuru hoti hai aik larka aur larki se. Dono miltay hain, pyar ho jata hai. Junooni pyar. Marnay mitnay wala pyar. “Mehboob na mila toh zindagi khatam hai” wala pyar. Aisa pyar jisay on screen dekhne kay baad hum sochtay hain “kash hume bhi koi itna pyar krne wala mil jaye”. Har novel har drama har kahani pyar mohabbat ka yehi sabaq parhati hai. Yehi khwaab dekhtay dekhtay hum jawaan ho jatay hain.
Shadi khana abaadi hoti hai toh apna personal mehboob mil jata hai. Saray mohabbat kay sabaq jo film aur dramon ne parhaye hotay hain ab dil chahta hai k unka amli namoona dekhne ko milay. Shuru main toh sab acha set chalta hai. Pyar ka izhar, pholon kay tohfay, khoob saray dialogues. Per by the passage of time aik routine si ban jati hai zindagi.
Waqt guzarne kay sath sath miyan biwi pyar kay izhaar ko for granted lene lagtay hain. Shayad aik dosray ko bhi. Biwiyon kay wohi shikway kay Miyan time nae dete aur Miyan ka yeh khyal kay “aur bhi ghum hain zamane main mohabbat kay siwa”. Mard hazraat ka izhaar-e-mohabbat shadi kay baad maand parr jati hai jab kay aurat ki asal mohabbat shadi kay baad hi shuru hoti hai. Aur yahan se shuru hota hai maslon ka silsila. Aurat izhar chahti hai. Aur mard izhaar kay mamlay main zra kanjoos.
Bollywood ne pyar mohabbat ka jo idea hume diya hai woh bohat problematic hai. It is very ideal and perfect. Jab k perfect toh kuch bhi nahi hai is duniya main. Every relationship has its fair share of ups and downs. Bohat mushkil se insan samajhta hai kay zindagi shahrukh khan ki film nahi jahan simran apni zindagi hasi khushu jee le. Sometimes pyar ka khyal sirf khyal e reh jata hai. Zindagi ki happy ending krne kay liye apnay rishtay pe bari mehnat krni parti hai.
Rooba's Take 
Leave a comment